Барса ја заврши сезоната со реми на гостувањето кај Еибар со конечен резултат (2:2)…

Сите голови на мечот Еибар-Барселона во последното коло од шпанската „Ла Лига“ беа постигнати во текот на првото полувреме, најпрвин Кукуреља донесе позитива за домаќините кој од непосредна близина го матираше Силесен во 20. минута.

Потоа, Меси за период од две минути се погрижи за целосен пресврт, со погодоците во 31. и 32. минута на „Ипуруа“ стадионот. Пред самата пауза за нов егал на мечот донесе Де Бласис за вкупно 14. реми сезонава во „Ла Лига“.

На конечната табела Барса го освои првото место со вкупно 87 бодови, додека 40 помалку има Еибар кој од претходно обезбеди опстанок и заврши на 12. позиција.

Барселона, Атлетико Мадрид, Реал Мадрид и Валенсија наредната сезона ќе играат во групите од Лигата на шампионите, потоа Хетафе во групите на Лига Европа, а Севиља и Еспањол во квалификациите за ЛЕ.

Во понизонг ранг одат Хирона, Уеска и Рајо Ваљекано на нашиот репрезентативен голман Столе Димитриевски.