Штип: Се истражува случај за проституција на 14-годишно девојче – Слободен печат
Хроника

Штип: Се истражува случај за проституција на 14-годишно девојче

Официјалната изјава од МВР е дека тие во координација со Јавното обвинителство и во соработка со Министерството за труд и социјална политика работат на случајот.

Во врска со наводите во некои медиуми за вклученост на 14-годишното девојче од Штип во мрежа на малолетничка проституција во земјава и во една земја во странство, началникот на Одделението за информации од јавен карактер во МВР Сузана Праниќ за МИА рече дека работат на случајот, но во интерес на истрагата не можат да соопштат детали.

Официјалната изјава од МВР е дека тие во координација со Јавното обвинителство и во соработка со Министерството за труд и социјална политика работат на случајот. Портпаролот на Министерството за труд и социјална политика Ирена Смијанска ни одговори дека детето е на безбедно место.

Деталите за овој случај ќе следат откако надлежните институции ќе завршат со целосната истрага бидејќи, како што велат нивни претставници, во моментов сè е на ниво на шпекулации што можат да наштетат на истрагата.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close