Шредер се откажа од функцијата во Росњефт
Поранешниот германски канцелар Герхард Шредер сака да се откаже од функцијата шеф на надзорниот одбор на рускиот нафтен гигант Росњефт, соопшти компанијата.
Шредер – кој е под зголемен меѓународен притисок за неговите деловни врски со Русија откако Москва ја започна инвазијата на Украина во февруари – најави дека е невозможно за него да го продолжи мандатот во одборот, соопшти Роснефт, без да даде дополнителни детали.
Долго време предмет на жестоки критики во Германија за неговите врски со Русија, на 78-годишникот му беше отстрането правото на канцеларија во Бундестагот оваа недела и се соочува со повици да биде санкциониран од Европскиот парламент.
Шредер беше претседател на Социјалдемократската партија од 1998 до 2005 година и, по напуштањето на функцијата, продолжи да работи за руските енергетски гиганти Газпром и Роснефт.
Германија ја затвори канцеларијата на Шредер поради неговата блискост со Путин
Шредер не му врти грб на својот добар пријател иако неговиот персонал поднесе оставка