Шпански брод потонал во близина на Канада: 4 мртви и 15 исчезнати
Шпански рибарски брод денеска потона во близина на канадскиот остров Њуфаундленд. Најмалку четири лица загинаа, тројца членови на екипажот се спасени, а 15 се водат како исчезнати, објавија локалните медиуми и АФП.
Во тек е спасувачка операција, чија цел е пронаоѓање на исчезнатиот екипаж, кој се состоеше од 22 члена, потврди портпаролката на шпанската влада Изабел Родригез. Канадски хеликоптер пристигна на областа која се наоѓа на околу 450 километри од островот Њуфаундленд, а спасувачките служби се на пат.
#BREAKING Several dead as Spanish fishing boat sinks off Canada: Spain coastguard pic.twitter.com/vMZrknXeSb
— AFP News Agency (@AFP) February 15, 2022
Бродот по име Вила де Питанксо почнал да плови од шпанскиот регион Галиција и потонал во 01 часот по локално време, а информацијата за шпанско радио ја потврдила и претставничката на локалните власти Маица Лариба. Екипажот се состои од 12 Шпанци, 8 Перуанци и двајца државјани на Гана. Два чамци за итни случаи биле празни, а четвртиот наводно исчезнал.