Во финалето на првото издание на АТП купот ќе играат селекциите на Србија и Шпанија, откако „фуријата“ поведе со 2:0 против домаќинот Австралија.

Во првиот дуел, Роберто Баутиста Агут релативно лесно во два сета со 6:1,6:4 го совлада Ник Кирјос.

Во вториот дуел, Рафаел Надал со пресврт дојде до победата над младиот Алекс де Минор. Првиот сет му припадна на Де Минор со 4:6, а во вториот сет се водеше израмнета борба се до 13. гем кога Надал го прави првиот брејк на дуелот и веднаш потоа со сигурен сервис донесе израмнување во сетови (7:5).

Младиот Де Минор не успеа да се опоправи од шокот со загубата на вториот сет и му дозволи на првиот светски рекет два брејка во одлучувачкиот сет за водство од 4:0 по што до крајот Надал рутински стигна до победата (6:1).

Во финалето Шпанија ја очекува пресметка со Србија која ретходно во првото полуфинале ја совлада Русија со 3:0, а навивачите ќе можат да уживаат бидејќи еден против друг ќе играат најдобрите двајца тенисери, Рафаел Надал и Новак Ѓоковиќ.