Шпанија: Светот треба да го слуша гласот на Кина
Светот треба да го слуша гласот на Кина за да се најде излез од војната во Украина, изјави денеска шпанскиот премиер Педро Санчез, пред неговата државна посета на Пекинг следната недела.
„Кина е глобален актер, па очигледно мораме да го слушаме нејзиниот глас за да видиме дали можеме да ставиме крај на оваа војна и дека Украина може да го врати својот територијален интегритет“, рече Санчез по состанокот на Европскиот совет.
Санчез треба да го посети Пекинг на 31 март за да разговара со кинескиот претседател Си Џинпинг.
Инаку САД се против предлогот на Кина за итен прекин на огнот меѓу Русија и Украина затоа што со тоа ќе се цементира позицијата на воените придобивки на Русија, соопштија од Белата куќа.Но сепак САД се надеваат на конструктивна улога на Кина во помошта да се заврши војната во Украина.
Повикот за прекин на огнот е дел од мировниот предлог на Џинпин.
САД се против кинескиот мировен план за Украина: „Со тоа би ги признале придобивките на Русија“