Шпанија своите копнени граници со Франција и Португалија повторно ќе ги отвори на 22 јуни, три месеци откако ги затвори во борба против пандемијата од коронавирус, објави денеска министерката за туризам Марија Рејес Марото.

„Во случајот со Франција и Португалија потврдувам дека се укинуваат ограничувањата за движење на копно на 22 јуни“, рече пред новинарите и додаде: „Начелно, карантините ќе бидат укинати“.

„Тоа ќе ни овозможи да вратиме голем број туристи, француски и португалски“, нагласи Рејес Марото.

14-дневниот карантин за патници од странство е воведен од 15. мај до 1. јули

Вонредната состојба ќе биде укината на 21. јули откако парламентот вчера го одобри последното продолжување.

По укинувањето на вонредната состојба, ограничувањата за Франција и Португалија ќе бидат укинати и мобилноста ќе продолжи со тие толку важни држави, рече министерката.

Карантинот ќе остане на сила до 1. јули за доаѓањето со авиони, но министерката рече дека е можно и порано укинување зошто се стекнати епидемиолошките услови за тоа.

Најави и дека 6.000 германски туристи ќе допатуваат на Балерските орстрови од втората половина на јуни во рамки на пилот протекто меѓу регионалната влада и германскиот тур оператор ТУИ.