Шпанија ги ограничи авионските летови од Бразил и Јужна Африка
Шпанската Влада одлучи од утре па во следните две недели да ги ограничи авионските летови од Бразил и Јужноафриканската Република, земјите во кои се откриени новите, многу позаразни видови на коронавирус, јавија шпанските медиуми”.
Летовите кон Шпанија можат да ги користат само граѓаните на оваа земја и жителите што се враќаат во Шпанија, како и патниците кои одат во земји надвор од Шенген зоната, во Шпанија можат да поминат само помалку од еден ден.
Регионот Мадрид вчера побара од владата на Шпанија да ги забрани летовите од Јужна Африка и Бразил, бидејќи новите соеви на коронавирусот што се појавија таму се многу позаразни.
Регионот на Мадрид има најмногу случаи на заразени со новата британска варијанта на коронавирусот, за која се верува дека е одговорна за значајното ширење на коронавирусот.