Кошаркарската репрезентација на Македонија ја очекуваат последните два квалификациски натпревари за пласман на Европското првенство кое се игра ова лето, а за овие два дуели селекторот Јончевски на располагање го има и Ти-Џеј Шортс.

Заедно со Шортс во репрезентацијата е и Ненад Димитријевиќ, а ова е првпат двајцата плејмејкери заедно да бидат дел од составот.

„Дефинитивно сум возбуден што пак ќе играм за нешто повеќе од тим, тоа е државата. Се надевам дека ќе помогнам и ќе го направиме нашиот дел да победиме со Естонија и Полска и ќе видиме што ќе биде. Чекам на предизвикот. Мене ми е исто дали играрм за Париз и Македонија, ќе се потрудам да помогнам. Нено е лидер на тимот, а јас ќе го дадам моето да му помогнам да го симнам товарот од него. Не сакам да зборувам за очекувања, туку сакам да помогнам да се победува. Знам дека Естонија е млад и гладен тим за успеси. Ќе мора да имаме добра енергија, затоа што знам дека имаат одлична публика. Последен пат кога играв со Естонија во дресот на Македонија, го почувствував тоа. Ни дадоа „удар по устите“ многу рано и бевме во проблеми. Сега сакам да биде поинаку“, изјави Шортс.

Средбата со Естонија е закажана за в петок во Талин, додека три дена подоцна ќе ја пречекаме Полска во Скопје.

Македонија со најдобрите ќе „брка“ пласман на Евробаскетот