Шокантната одлука на Меси предизвика бура, дали е време за преселба во Премиер лигата?!
Како бомба одекна веста дека Лионел Меси ги прекина разговорите со Барселона за новиот договор со што започна лавина шпекулации за неговата иднина.
За очекување е шпекулациите да траат цела година, односно до идното лето кога истекува договорот на Меси со Барселона.
Нормално, уште денеска започнаа гласините дека Меси идната година доколку не се смени управата на Барселона, ќе си замине од „Камп Ноу“ и конечно ќе заигра во Премиер лигата-нормално во Манчестер сити.
Оваа вест ја пренеси новинарот на Фокс Америка, Кристијан Мартин.
– Моите извори во Каталонија и во Англија ми потврдија – заминувањето на Меси од Барселона и трансферот во Сити е реалност – објави Мартин.
Иако новинарот на Фокс Америка засега не е етаблиран како релевантен извор во фудбалскиот свет, сепак неговите зборови беа доволни за да покрена лавина реакции.
Аргентинецот во Сити би го пречекал Пеп Гвардиола кој му беше тренер во Барселона и заедно освоија две титули во Лигата на шампионите и три во Ла Лига, а директори се Чики Бегиристаин и Феран Соријано со кои соработуваа заедно со Барселона и Меси има само повални зборови за нивната работа.
Исто така во Манчестер сити би го дочекала и добра средина каде се е подредено на фудбалерите и на успесите на терените и „граѓаните“ се можеби единствени кои можат да го убедат Меси да си замине од Барселона.
За разлика од Кристијан Мартин, медиумите во Шпанија, посебно тие мадридските сметаат дека Меси најверојатно ќе остане во Барселона и по 2021 година, но тоа ќе значи дека претседателот Хосеп Мариа Бертомеу и спортскиот директор Арик Абидал, кои му работеа зад грб на својот најдобар фудбалер, ќе мора да си заминат.
Идното лето се претседателските избори во Барселона и за очекување е гласот на Меси највеќе да се слуша и тој сигурно сака да ги види Беромеу и Абидал како си заминуваат од „Камп Ноу“.
Уште еден адут за Меси според мадридските медиуми, е противкандидатот на Бертомеу, Виктор Фонт кој веќе има договор со Чави да седне на тренерското столче додека директорка позиција го очекува поранешниот капитен Карлес Пујол. Токму Пујол и Чави кои се големи пријатели со Меси, се адутот за останување на Аргентинецот и по 2021 година.
Како и да е, се очекува во наредната година фудбалските вести да бидат полни со иднината на Лионел Меси.
