Во аудио клипот објавен денеска со американскиот претседател Доналд Трамп од донаторска вечера во 2018 година, се слуша како тој енергично зборува за разрешувањето на тогашната амбасадорка во Украина, Мари Јовановиќ и во еден момент вели: „Ослободете се од неа!“

Скоро 90-минутната снимка јавно ја сподели адвокатот Лев Парнас, бизнисмен, роден во тогашниот Советски Сојуз, кој тогаш работеше со адвокатот на Трамп, Руди Џулијани, на разрешувањето на Јовановиќ, што конечно се случи во април 2019 година.

„Исфрлете ја утре. Не ме интересира. Направете го тоа, во ред“, се слуша како Трамп зборува во видеото, јавува Си-Ен-Ен, чии новинари ја преслушаа снимката, но не можеле да ги идентификуваат другите говорници освен Трамп.

Снимката покажува нов фокус на поврзаност меѓу американскиот претседател и Парнас, за кој тврди дека никогаш не го запознал, како и желбата да ја тргне Мари Јовановиќ, што е едно од обвиненијата во процесот за негово повлекување.