Американската манекенка и актерка Емили Ратајковски (29) го обвини фотографот Џонатан Ледер дека сексуално ја нападнал во 2012 година во неговиот дом во планинскиот регион Катскилс во американската држава Њујорк, пишува Пејџ Сикс.

Обвинението, Ратајковски го изнесе во написот што го напиша за списанието Њујорк. Тоа било објавено во вторникот и во него Емили тврди дека нејзиниот тогашен агент ја испратил во домот на фотографот на неплатена снимка за списанието Дариус. Тој ангажман значел и преспивање.

Нејзина задача била да позира во долна облека. Ледер ѝ понудил црвено вино, а Емили го прифатила затоа што сакала да изгледа позрело.

 „Ме научија дека е важно да се стекне репутација на добар работник кој не лелека. „Никогаш не знаеш со кого ќе работи после тебе“, ми рече агентот“, посочи таа.

По снимањето, Ледер им рекол на моделите да се обидат без облека, што и го направиле.

„Истата секунда кога се соблеков, дел од мене се исклучи. Почнав да лебдам, гледајќи како се враќам во кревет. Се наместив и ги испакнав усните. Бев фиксирана на идејата како би можело да изгледа. Блесокот на камерата беше толку силен, а јас пиев толку многу вино што црните дамки пред моите очи почнаа да се зголемуваат“, напиша таа.

Таа и Ледер се завиткале во ќебе на каучот затоа што било студено и се сеќава дека ги триела нозете за да се стоплат. Фотографот започнал да ја испрашува за момчињата со кои била, а потоа, според нејзините обвинувања, започнал да ја малтретира.

„Се сеќавам на повеќето од случувањата низ маглата. Само тоа чувство ми е јасно. Не се сеќавам дека се бакнувавме, но се сеќавам дека неговите прсти одеднаш беа во мене. Се поцврсто и поцврсто, туркајќи ги и туркајќи ги како никој претходно, и никој по него. Ја чувствував својата форма и навистина ме болеше. Инстинктивно го фатив за зглобот и насилно го извадив од мене. Јас ништо не реков. Тој стана и тивко се повлече на последниот кат“, се присетува таа.

Спиела во неговиот дом и следниот ден се вратила дома со воз. Сите фотографии направени тој ден се објавени во 2016 година во книгата „Колекционерско издание Ледер / Ратајковски“.

Емили тврди дека ниту фотографот, ниту „Империјал издаваштво“ немале право да ги користат нејзините фотографии, па се обидела да спречи легално објавување на книгата.

Портпарол на Империјал издаваштвото исто така зборувал за сè, тврдејќи дека изјавите на моделот се измислици.

„Бевме длабоко шокирани од последните (лажни) тврдења на г-ѓа Ратајковски, кои таа ги даде во магазинот Њујорк во желба за публицитет. Секако г-дин Ледер ги негира тврдењата дека била „малтретирана“. Гротескно е тажно што е толку одмаздољубива па рутински ги лаже новинарите“, рекол тој.

Ледер исто така изјавил дека обвинувањата се лажни, но додал:

„Дали сте свесни за кого зборуваме? Тоа е девојката што позираше гола во списанието „Behave!“. Своевремено, таа скокна гола и во видеото на Робин Тик. Дали навистина сакате некој да верува дека е жртва?!“

Иако Емили вели дека таа и агентот не му дале права на Ледер да ги користи фотографиите што ги направил, тој вели дека договорот решил сè.

Моделот сакал да го тужи и порано, но објаснува дека нејзиниот адвокат ѝ рекол дека нема смисла бидејќи постапката ќе биде скапа и нема да вроди со плод.

Претставникот на Ледер тврди дека Ратајковски знаела дека не постои начин да ги спречи овие фотографии да го видат светлото на денот, па затоа сега решила да се „одмазди“ и повторно да го обвинува фотографот.