Шокантен раст на повредите на фудбалерите во Ла Лига од 105 проценти
Во своја студија шпанска „Марка“ предвиде дека од продолжението на сезоната која е прекината поради пандемија на коронавирусот ќе има 111 повреди во 11 кола.
На крајот резултатот испадна уште поголем, во шпанската Ла Лига имало 116 повреди во 11. кола. Според статистиката на ФИФА и на УЕФА за изминатите 20 години, во тој период вообичаено имало 80 повреди, што значи дека оваа година бројот на повреди е поголем за 45 проценти.
Според „Марка“ годинава имало 82 повреди на мускулите на фудбалерите, што е зголемување за дури 105 проценти. Истражувањето покажа дека повредите најчесто се случувале во последните 30 минути од натпреварите, а како одминуваше сезоната тој период се „спушташе“ од 30. до 60. минута.
Тим со највеќе повредени фудбалери е Ваљадолид кај кого дури 15 фудбалери, а најмалку има кај Виљареал и Леванте, само по две повреди.
„Со два натпревари во рок од пет дена, невозможно е да се видат позитивните ефекти од зачестеноста на повредите. Немањето специјални тренинзи влијаеа на зголемувањето на повредите на мускулите“, пишува „Марка“.