Судот во Париз го доби предлогот на обвинителството во кој се бара фудбалерот на Реал Мадрид, Карим Бензема да биде осуден на десет месеци затворска казна и да плати 75.000 евра, пренесе новинската агенција АФП.

Бензема не се појави на судењето каде е обвинет дека заедно со уште четири лица го уценувал колегата од француската репрезентација репрезентативниот соиграч Матие Валбуена во 2015 година, со секс снимка.

Бензема наводно заедно со уште четири лица барал помеѓу 50.000 и 100.000 евра за спорната секс снимка да не биде објавена во јавност.

Обвинителите тврдат дека Бензема го поттикнал Валбуена да ја плати бараната сума на уценувачите.
Бензема дури и добро помина со предложената казна бидејќи обвинителите за неговите пријатели Карим Зенати и Мустафа Зуауи бараат затворска казна од две, односно четири години и дополнителна финансиска казна.

Адвокатите на Валбуена пак бараат од играчот на Реал Мадрид да плати дополнителни 150.000 евра поради повреда на угледот.

Конечната одлука ќе биде донесена утре, а доколку судот во Париз го усвои предлогот на обвинителството, Карим Бензема наместо „Златната топка“ за најдобар фудбалер ќе добие затворска казна.