Трнеерот на Баерн Минхен, Ханси-Дитер Флик на крајот од сезоната може да ја напушти клупата на Баерн Минхен иако договорот му истекува 2023 година, пишува „Билд“.

Флик откако минатата сезона го наследи Нико Ковач на клупата на баварскиот тим, ја освои тројната круна со Баерн, триумфира во Бундеслигата, во германскиот Куп како и во Лигата на Шампионите.

Баерн сезонава игра променливо, лидери се во Бундеслигата, но сензационално испаднаа во Купот и тоа од второлигашот Кил, додека одиграа одлично во групната фаза во Лигата на шампионите.

Но „Билд“ пишува дека по завршување на сезоната постои огромна можност Флик да ја напушти клупата на Баерн и да седне на клупата на германската репрезентација. Актуелниот селектор Јоаким Лев најверојатно си заминува од германската репрезентација по Европското првенство кое ќе се одржи во во јуни и јули годинава и во Германската фудбалска федерација се надеваат дека Флик ќе се согласи да биде нов селектор. Работата со репрезентацијата не е непознаница за Флик, тој од 2006 до 2014 година му беше помошник на Лев.

Како една од причините за заминување од Баерн, весникот го наведува несогласувањето на Флик со спортскиот директор на баварците, Хасан Салихамиџиќ поради трансфер политиката. Салихамиџиќ освен што го донесе Лерој Сане, не му исполни ниту една желба на Флик, како што беше откупувањето на договорот на Иван Перишиќ, ангажманот на Тимо Вернер кој потпиша за Челси и не ја освежи одбраната со нови лица иако сезоната токму тоа е најслабиот дел од тимот.