Само два дена откако изненадувачки го раскина договорот со Борусија Дортмунд, Андре Ширле, денеска одново ја изненади германска јавност. Тој објави дека ја прекинува кариерата.

– Долго време размислував за ова. Едноставно повеќе не ми требаат аплаузите – изјави Ширле.

Тој професионалната кариера ја заполна во Мајнц и по само две сезони во првиот тим се сели во Баер Леверкузен, а потоа и во Челси за 30 милиони евра.

Ширле не се наигра во двете сезони во Челси (2013-2015) иако беше еден од најзаслужните за триумфот на Германија на Светскотко првенство во Бразил во 2014 година.

во 2015 година тој се враќа во Бундеслигата и потпишува за Волфсбург каде помина само една сезона по што се сели во Борусија Дортмунд. Кратко играше и на позајмица во Фулам и во Спартак Москва по што изненадувачки одлучи да замине во пензија. Ширле за германската репрезентација настапи на 57 натпревари и постигна 22 гола.

Тоа по што ќе остане запомнет се двата гола во неверојатната победа од 7:1 над Бразил во полуфиналето на СП 2014, како и асистенцијата во финалето против Аргентина кога Марио Геце го постигна единствениот гол.