ШОК: Крај на кариерата за Серхио Агуеро
Фудбалерот на Барселона, Серхио Агуеро ќе мора предвреме да ја заврши кариерата поради проблемите со срцето.
Како што пренесува новинарот Жерар Морено, а потоа истото го потврди и Фабрицио Романо, одлуката е конечна и Барселона е известена за здравствената состојба на Аргентинецот.
Агуеро изминатото лето од Манчестер сити дојде во Барселона и сезонава одигра четири натпревари на кои постигна еден гол.
Но, на натпреварот кој се играше на 30. октомври на „Камп Ноу“ помеѓу Барселона и Алавес, во 41. минута му се слоши на Агуеро, по што легна на тревата и се фати за градите. Фудбалерот веднаш беше префрлен во болница каде му беа извршени лекарски прегледи.
Sergio Agüero’s set to retire from football due to heart problems, @gerardromero reports. The decision has been made and Barcelona have been informed. 🇦🇷 #FCB
Press conference to clarify the situation expected next week. pic.twitter.com/qwBk3zYk7O
— Fabrizio Romano (@FabrizioRomano) November 20, 2021
Првичните проценки беа дека Аргентинецот три месеци ќе биде надвор од терените, но деталните лекарски прегледи и анализи покажаа дека Агуеро нема да биде во состојба да ја продолжи кариерата.
Серхио Агуеро професионалната кариера ја започна во родната Аргентина и тоа во тимот на Индепендиенте за кого играше три години (2003-2006) пред да се пресели во Атлетико Мадрид каде помина пет сезони (2006-2011). Следен клуб во кариерата му беше Манчестер сити чиј дрес го носеше десет години, се до ова лето кога потпиша за Барселона.
Со Атлетико Мадрид триумфира во Лигата на Европа и во европскиот Суперкуп, додека со Манчестер сити освои пет титули во Премиер лигата.
Ова лето со репрезентацијата на Аргентина триумфира на Копа Америка, а има и златен медал од Олимписките игри во 2008 година. Со младата репрезентација на Аргентина до 20 година освои две светски титули.