Денеска во првиот натпревар од 1 квалификациско коло во новоформираната УЕФА Конференциска лига составот на Шкупи славеше со 2:0 против Лапи од Косово.

Вечерва на Националната арена „Тодор Проески“ – во Скопје македонскиот претставник успеа да стекне убава предност пред реваншот кој ќе се одигра на 15 јули исто така од 20.00 часот во Приштина.

На денешниот дуел стрелец на првиот гол за клубот од Чаир беше 26-годишниот Кире Маркоски во 36 минута од средбата.

Конечниот епилог беше поставен во самиот финиш од дуелот (90+4`) со погодокот на интернационалецот од Руанда Абдул Рватубјаје после асистенцијата на Костариканецот Фреди Алварез.

Составот на Шкупи: Наумовски, Зука, Сенгхот, Рбатубјаје, Китановски, Чешмеџиев (Алији 82`), Алварез, Адем (Шабани 63`), Цветаноски (Трапановски 70`), Ѓорѓиевски, Маркоски (Иљази 82`).

Во текот на денешниот ден останатите две наши екипи во истото натпреварување Силекс и Струга Трим Лум одиграа реми во своите мечеви.