Денеска се одигра три од четирите планирани средби во четвртфиналето од Купот на Македонија, како што е веќе познато поради лошите услови на теренот во Битола, се донесе одлука за одложување на мечот Пелистер – Вардар.

Останатите три меча започнаа од најавениот термин (13.00 часот), а во полуфиналето се пласираа Македонија ЃП, Струга Трим ЛУм и Силекс.

Интересно, сите победници ги дознавме после пеналите, по 90 минути игра мируваа мрежите на натпреварите Македонија ЃП – Шкупи и Шкендија – Струга Трим Лум.

Силекс и Брегалница имаа по еден погодок (1:1), штипјани водеа од 47 минута со голот на Ѓокиќ, а израмни Каланоски (56`). Во пенал серијата клубот од Кратово беше подобар со 5:4.

Моментно водечкиот во шампионатот Шкупи загуби со 4:1 од Македонија ЃП во ударите од белата точка, а стружани ја елиминираа Шкендија во Тетово со 4:3, за домаќините непрецизни беа Гури и Нафиу.