Поранешниот македонски шампион Шкендија денеска и официјализираше потписот со чешкиот интернационалец Јан Водра. Чехот кој настапува на левата бековска позиција, во Шкендија дојде од редовите на Бохемијанс 1905.

Претходно има играно и за екипите на Бањик Острава и Чешке Будејовице, а има настапувано и за младинскиот тим на најтрофејниот чешки тим, Спарта Прага.

– Среќен сум што доаѓам во Шкендија и во Тетово, мислам дека е вистинскиот момент што доаѓам сега, пред стартот на европските предизвици. Мислам дека веќе низ мечевите во Конференциската лига ќе ја оправдам довербата, а потоа во првенството верувам дека ќе атакуваме на трофеите. Тоа што го сфатив деновиве е дека Шкендија има исклучително квалитетен тим со голем потенцијал и убеден сум дека заедно ќе имаме позитивни резултати, како во Европа, така и во првенството – изјави Водра.

Водра е четврто засилување за екипата на Шкендија, пред него за тетовските „црвено-црни“ потшишаа Башким Велии, Давор Талески и Влатко Стојановски.