Шкендија конечно се израдува на победа
Екипата на Шкендија дојде до првата победа сезонава откако со 4:1 го совлада Гостивар во Купот на Македонија.
Најскапото засилување за тетовчани, Бразилецот Фелипе кој дојде од Вардар го отвори резултатот, а по него следеа и головите на Омар Имери, Бесарт Ибраими и Реџепи со што го заверија пласманот во осминафиналето на најмасовното натпреварување, и што е поважно успеаја да дојдат до првата победа.
Убедлив триумф остварија и екипите на Работнички, Борец и Струга Трим Лум, додека лидерот на табелата, Ренова мораше преку пенал серијата да го обезбеди пласманот во наредната рунда. Ренова губеше со 1:0 и 3:2 во дуелот со Кожув но успеа да дојде до израмнување и преку подобро изведување на пенали да оди понатаму.
ДВОЈКИ ЗА 16-ФИНАЛЕ ВО КУПОТ
Фортуна – Силекс 0:4
Охрид – Беласица 1:1, 5:4 пенали
Кожув – Ренова 3:3, 4:5 пенали
Кравари – Лабуништа 1:4
Тетекс – Шкупи 1:5
Локомотива – Струга Трим Љум 1:5
Влазерими – Работнички 0:4
Превалец – Борец 0:4
Осогово – Победа 1:0
Гостивар – Шкендија 1:4
Кит Го – Пелистер 1:1, 4:5 пенали
Љуботен – Тиквеш 1:5
Ново Црнилиште – Брегалница 0:22
Каменица Саса – Вардар ќе играат на 28 август