Шкендија ја освои Струмица, само бод за Вардар и Работнички
Фудбалерите на Шкендија по денешното 26-то вонредно коло двоцифрено ја зголемија разликата во однос на Вардар во битката за шампионска титула во Првата македонска фудбалска лига.
Тимот на Ќатип Османи славеше во Струмица против Академија Пандев со 1-0, а победничкиот гол беше дело на Висар Муслиу.
По три победи во низа, Вардар ремизираше без голови на гостувањето кај Победа 0-0.
Второ реми по ред запиша Работнички откако на свој терен одигра 1-1 против Беласица. Денковски ги доведе гостите во водство во 51-та минута, а четири минути подоцна Шаркоски извлече бод за Романтичарите.
На табелата разликата меѓу лидерот Шкендија и второпласираниот Вардар сега е 10 бода, тетовчани имаат 59 наспроти 49 на најтрофејниот македонски тим. Следува Академија Пандев со 45 и еден натпревар помалку пред Ренова која се искачи на четврото место со 36 бод.