Денеска се одиграа реванш натпреварите од фудбалскиот Куп на Македонија и се дознаа сите четири патници во наредната фаза, тие се Академија Пандев, Шкендија, Струга Трим Лум и Брегалница од Штип.

„Пандевци“ после триумфот на првиот меч од 0:1, на возвратната пресметка на домашен терен во Струмица одиграа нерешено 1:1 против Шкупи. Поведоа домаќините со голот на Дориев во 61. минута, израмни Дарбое во 75.

По првите 90 минута Брегалница имаше позитива од 1:0, а уште поубедливи беа штипјани на реваншот со Лабуништа (1:4). Двоен стрелец беше Стојанов (23. од пенал, и 40. минута), по еден гол имаа Додев (41`) и Стојчевски (86`). На спротивната страна единствениот погодок беше дело на Сунај (52`).

Работнички имаше убав резултат по првиот дуел 1:1 против Шкендија, но и покрај скопскиот тим доживеа елиминација. Тетовскиот клуб извлече 2:2 и поради поголем број на постигнати голови на гости се пласираше меѓу најдобрите четири во куп натпреварувањето.

За Шкендија стрелци беа Нафиу (38`) и Б. Ибраими (74`), а кај „романтичарите“ Јевтоски од пенал (71`) и Крстовски во 86. минута.

Немаше голови на првиот дуел, но затоа го имаше во вториот, Струга Трим Лум како гостин со 1:2 ја елиминираше Ренова.

Иако „гипсарите“ први поведоа со голот на Кадриу (23`), стружани направија целосен пресврт благодарение на Делиај (43`) и Цветаноски (84`).