Како што тетовци го најавуваат неделниот дуел, трофејот доаѓа дома, Шкендија слави против екипата на Академија Пандев, средба која ќе започне од 16:30 часот.

Влезот за сите љубители на фудбалот ќе биде бесплатен, со цел трибините бидат исполнети и се прослави одбраната на шампионскиот трофеј.

Тренерот Ќатип Османи за пресметката со Академија Пандев нема да може да смета на повредениот капитен Алими, а сеуште се опоравуваат Б. Ибраими и голманот Захов.

Од друга страна, „пандевци“ исто така имаат една одлична сезона, најдобра во досегашната клупска историја, а наскоро ќе го имаат и дебито во европските купови.

Најверојатно ќе настапат и во еден комбиниран состав со цел да се чуваат силите за финалниот куп меч со Македонија ЃП.

Прва македонска фудбалска лига

Денеска, 16:30 часот:

Шкупи-Ренова
Беласица-Работнички
Македонија ЃП-Силекс
Вардар-Победа
Шкендија-Академија Пандев

Табела:

1.Шкендија 76 бодови
2.Вардар 60
3.Академија Пандев 57
4.Шкупи 44
5.Ренова 43
6.Работнички 43
7.Македонија ЃП 41
8.Силекс 41
9.Беласица 38
10.Победа 23