Шилегов за тунелите под Кале: Подобро да изгубите време во проектирање, отколку да ви се случи Кичево-Охрид
На крајот на другата година очекувам да имаме спремен проект за да може да се распише тендер, вели Шилегов.
Градоначалникот на Скопје, Петре Шилегов во вечерашното интервју на телевизија Телма рече дека во новите згради кои се предвидуваат во ДУП-от за Расадник кај Кисела Вода не може да има 80.000 жители, бидејќи тоа ги надминува параметрите на Генералниот урбанистички план.
-Не може да биде донесен ДУП што е надвор од Генералниот урбанистички план. И да сакате, не смеете да ги надминете параметрите. Тоа значи дека не е точно дека ќе бидат 80.000 луѓе, туку ќе бидат 8.000 луѓе. Деталите се работа на Општина Кисела Вода. Меѓутоа, анализите што ги направивме ние е дека повеќе 33 проценти од таа површина ќе остане зелена, вели Шилегов.
ДОМ апелира да не се усвои Дупот во Расадник, каде треба да никнат 100 згради
Шилегов во гостувањето говореше дека Градот не се откажал од изградба на тунелите под Кале.
Поради непочитување на роковите, Градот го раскина договорот за изградба на тунелите под Кале
-Не се откажуваме. За тунелот под Кале, не сум човек што импровизира. Подобро да изгубите време во проектирање и планирање за да имате квалитетна изведба. А, не да ви се случи Кичево-Охрид. Новиот тендер ќе биде распишан. На крајот на другата година очекувам да имаме спремен проект за да може да се распише тендер, вели Шилегов.
Шилегов: Преку тунелите под Кале, од Водњанска до Чаир за 5 минути