Шилегов во „Веро Џамбо” скенираше фискална сметка

Фото: МИА

Во трговскиот центар „Веро Џамбо” во Скопје денеска се отвори штанд на проектот „Мој ДДВ”, преку кој на граѓаните им се враќа 15 отсто од пресметаниот ДДВ, на кој фискална сметка скенираше и градоначалникот на Град Скопје Петре Шилегов.

– Задоволство ми е да се приклучам во промоцијата на проектот „Мој ДДВ” кој бележи одлични резултати. Апликацијата „Мој ДДВ” ја симнале околу 170.000 граѓани, скенирани се точно 4.604.000 фискални сметки со кои е остварен промет од околу 2,5 милијарди денари. Секој граѓанин може и би требало да сака да биде на свој начин контролор на фискалниот промет во нашата држава. Ваквата акција овозможува секој од нас да придонесе за збогатување на нашиот семеен буџет, но исто така да придонесеме за зголемување на буџетот на државата, на градот и на општината. Тоа значи повеќе пари во буџетот на државата, со кои се градат нови улици, булевари, градинки, училишта, паркови и слично – изјави Шилегов.

Тој ги повика граѓаните да се приклучат на проектот и да скенираат сметки затоа што, нагласи, така сите заедно ќе овозможиме поквалитетен живот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот