Градоначалникот на Скопје, Петре Шилегов на Фејсбук објави „online challenge“, а први на листата номинирани се најдоа Коста Петров, Радмила Шекеринска и Јани Макрадули.

Шилегов за подарок добил два нови албуми од Тони Зен, па се присетил на времето кога дома секој од нас имаше колекција со плочи, касети или CD-a, а потоа ги поттикнал и другите да купуваат албуми од македонски музичари.

Градоначалникот на Скопје на Фејсбук сподели дека испратил три изданија од македонски музичари на Коста Петров, Шекеринска и Макрадули и изрази надеж дека тие ќе го продолжат овој предизвик.

„Од мојот пријател Тони Зен на подарок добив два негови албуми, па тоа ме натера да се потсетам на времето кога активно собирав плочи и се гордеев на мојата колекција. Во деновите кога задолжително седиме дома, а локалните музичари имаат многу помалку ангажмани, е идеална прилика да поддржиме домашна музика и да им помогнеме на овие наши сограѓани“, напиша Шилегов.