Булеварите Александар Македонски, 8 Септември, Србија, Видое Смилевски-Бато, АСНОМ, улиците Благоја Стефковски, Никола Карев, Лазар Личеноски, Џон Кенеди и Есенинова се локациите каде истовремено се врши реконструкција на коловозот.

Градежните зафати го отежнаа движењето на сообраќајот, што пак, наиде на нетрпеливост кај граѓаните. Градот Скопје неодамна излезе со решение за избегнување на метежот во главниот град, нудејќи ја како алтернатива обиколницата и влезовите во Скопје од Радишани и Волково. Тоа па, предизвика негодување кај дел од јавноста.

Зошто Градот одлучи истовремено да реконструира повеќе улици во Скопје, денеска го прашавме градоначалникот Петре Шилегов.

-Моравме да почнавме интензивно да работиме на улиците на кои долги години никој не работел. Нема да се согласам дека се работи бавно, напротив работиме со голем интензитет, и очекувам дека викендов ќе завршат градежните работи на улицата Благоја Стевковски, рече Шилегов.