Шилегов: Побарав од Беџети само да се сруши платформата која почна да се гради годинава – Слободен печат
ВестиСкопје

Шилегов: Побарав од Беџети само да се сруши платформата која почна да се гради годинава

Градоначалникот на Сарај обвини дека од страна на Шилегов било побарано да се сруши само една платформа и со тоа да се замачкаат очите на јавноста.

Градоначалникот на Град Скопје, Петре Шилегов, во врска со обвинувањето од неговиот колега, градоначалникот на Општина Сарај, Блерим Беџети, дека врз него се вршело притисок за да се урне само една од трите платформи на Матка, со цел да се замачкаат очите на јавноста, рече дека тврдењето на Беџети е делумно точно.

– Јас побарав да се сруши платформата која што беше започната да се гради годинава, а за која градоначалникот на Сарај тврдеше дека е постоечка и дека се врши реконструкција. Всушност, реакцијата на јавноста, реакцијата на скопјани, беа токму за градењето на таа предметна платформа, а гледам дека се проширува. Поради тоа го повикав Беџети кај мене во кабинет и од него побарав предметната платформа да биде предмет на рушење. Тој изјави дека и останатите две се дивоградби. Ние немаме никакви ингеренции за дивоградбите, каков е статусот на останатите две платформи во езерото Матка ми е непознат. Тогаш како градоначалник на Скопје изреагирава на тоа што сите во тој момент реагираа – рече Шилегов на денешната прес конференција.

Беџети денеска обвини дека врз него се вршел политички притисок од страна на СДСМ.

– Доколку е личен впечаток на Беџети, веројатно ќе треба него лично да го прашате. За мене не е политички притисок од страна на СДСМ или од градоначалникот на Скопје да побара владеење на правото и недозволување на дивеење во Кањонот Матка. Нешто што започна на почетокот на оваа година и за жал беше дозволено од администрацијата на Општина Сарај – додаде Шилегов.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close