Градот Скопје секоја година финансира илјадници различни програми. Не можеме ние да ги предвидуваме сите дејствија кои што ќе ги прави корисник. Ова што е направено за жал е скандалозно и јас ги повикувам институциите најбрзо што е можно да го расчистат тој случај, рече градоначалникот на Град Скопје, Петре Шилегов одговарајќи на прашањето поврзано со случајот за извидничкиот камп.

Случајот, како што напомена скопскиот градоначалник, не бил дел од апликацијата на Првиот извиднички одред кој што организирал кампот, ниту пак такво нешто можело да биде одобрено од Градот.

– Градот Скопје секоја година финансира илјадници различни програми како и оваа за која што денеска зборуваме како што се на пример занаетчиите. Не можеме ние да ги предвидуваме сите дејствија кои што ќе ги прави корисник. Ова што е направено за жал е скандалозно и јас ги повикувам институциите најбрзо што е можно да го расчистат тој случај, рече Шилегов на денешната прес-конференција во одговор на прашање.

За обвинувањата од страна на ВМРО-ДПМНЕ, Шилегов посочи дека доаѓаат како резултат на недостаток на политики кои што можат да ги понудат на Скопје и на скопјани.

– Во недостаток на политики кои што можат да ги понудат на Скопје и на скопјани, во недостаток на определување на приоритетите во политиката, тие се занимаваат со црна кампања за мене. Ги замолувам ВМРО-ДПМНЕ, зборуваме за наши дечиња, за наши чувства, за емпатија и за родителски грижи во моментов. Срамота е за црна кампања против актуелниот и иден градоначалник да се користат тие емоции, додаде Шилегов.

Извор: МИА

СИТЕ ПОВРЗАНИ ТЕКСТОВИ НА ОВАА ТЕМА:

• АУДИО | Родител на средношколка од Скопје обвинува за скандалозни активности на камп: Сексуална едукација под секое ниво, децата побарале психијатриска помош!

• Обвинителство формира предмет за извидничкиот камп, деца се отпишуваат од „извидници“

• ХЕРА со реакција: Ние не сме организатори на извидничкиот настан Sex Scouts and Rock’n’Roll

• Родителите гневни за извидничкиот камп: Доделиле награда на девојче за „најдобри гради“ со зборовите „догодина да се видиме поголи и повесели“

• „Слободен печат“ дознава: Обвинител дал насока во полициска станица да се викнат организаторите на кампот