Шилегов: Дали ќе се отвори кафуле, зависи од ГТЦ
Градоначалникот на Скопје, Петре Шилегов на денешното отворање на зелениот кров на ГТЦ истакна дека не знае дали во иднина ќе се гради кафуле, бидејќи за тоа треба да одлучи раководството на Градски трговски центар.
– Ние работевме по проектот што беше усвоен, а во кој беше предвидено и кафуле. Поради бурните реакции, одлучивме да го стопираме. Управувањето со нов деловен простор е под капата на ГТЦ, па тоа оди преку оглас и за тоа се зема кирија, како секој друг простор. Доколу тие се одлучат за таков чекор, тоа ќе биде нивна проблематика и ќе оди во деловното работење на самиот ГТЦ – рече Шилегов.
Во првичниот план за изградбата на зелениот покрив на ГТЦ беше предвидено и изградба и на угостителски, но тоа предизвика бурни реакции на социјалните медиуми, по што Градот Скопје се откажа од изградбата на овој објект на зелениот покрив.