ЛА Лејкерс влезе во победничка серија, против Чикаго ја оствари шестата победа по ред, додека Леброн Џејмс трет натпревар во низа забележува трипл-дабл.

Одличниот Џејмс имаше учинок од 30 поени, 10 скокови и 11 асистенции, додека забележителна партија остварија и Квин Кук со 17 поени и Кајл Кузна и Ентони Дејвис со по 15 поени. Во редовите на Чикаго, Зек Левин постигна 26 поени.

Највозбудливиот натпревар на НБА паркетите го одиграа Шарлот и Индијана, а победникот беше одлучен дури по продолжението. На крајот Шарлот славеше со 122:120, а прво име беше Девонте Греем со 35 постигнати поени.

Резултати:
Чикаго ЛА Лејкерс 112:118, Денвер – Мајами 109:89, Оклахома сити – Орландо 102:94, Атланта – Сан Антонио 108:100, Кливленд – Бостон 113:119,
Шарлот – Индијана 122:120.