Шест знаци кои ви укажуваат дека не јадете доволно зеленчук!
Според мерењата на диетичарите и нутриционистите, на возразната личност ѝ треба од 5 до 13 порции овошје и зеленчук во ден, зависно од добата, полот, различните телесни активности и целокупното здравје. Прескокнувањето на препорачаниот внес може да влијае на телото и повеќе отколку што мислите.
Доколку сакате да проверите дали доволно внесувате зеленчук, прочитајте во продолжение.
Недостасува боја на вашата чинија
Типичниот оброк се состои од месо и компир. Можеби таквото јадење има добар вкус, но недостасува боја на чинијата.
„Освен што тестенините, оризот и лебот не даваат боја на вашите оброци, не ги осигуруваат ниту есенцијалните минерали и витамини потребни на вашето тело“, вели диетичарката Аби Сауер.
Често забележувате модринки на вашето тело
Кога на телото му недостасува витамин Ц, ризикот од појавување на модрици е поголем. Витаминот Ц се наоѓа во црвената пиперка, кељот, зеленчукот со зелени листови, брокула, карфиол и домати.
Цело време сте уморни
Недостатокот на фолати може да предизвика надуеност и анемија, тврди Сауер. Витаминот Б ќе ги реши проблемите, а се наоѓа во зеленчукот со зелени листови, мешунки, леќа и аспарагус.
Често сте болни
Доколку не јадете доволно зеленчук, не ги внесувате важните нутриенти и имунитетот слабее.
„Наполнете го фрижидерот со зеленчук кој е богат со витамин Ц, засилете го имунитетот и скратете го времето за заздравување од болестите“, советува Соер.
Тешко се носите со стресот
Стресот е неизбежен. Воспаленијата се природен одговор на телото поради стресот, а доколку не се носите добро со тоа, ќе се појават проблеми.
„Јадете храна богата со антиинфламаторни состојки како што се незаситените масни киселини (лосос и туна), антиоксиданси, полифеноли и каротеноиди за да го намалите појавувањето на воспаленија и да ја зголемите способноста за контролирање на стресот“, додава Соер.
Склони сте кон грчеви во мускулите
Овошјето и зеленчукот содржат калиум кој може да ги спречи грчевите, посебно оние кои ги предизвикуваат вежбите. Во една банана со средна величина се наоѓаат 422 милиграма калиум.
