Вицепремиерот и министер за транспорт Александар Николоски синоќа најави уште најмалку шест нови авиолинии од скопскиот и охридскиот аеродром.

– Веќе донесовме четири од Скопје и две од Охрид, а овие нови шест дополнително ќе ги објaвиме до крај на годината. Ќе имаме нови дестинaции. До крај на годината ќе објавиме уште нови шест линии кои ќе оперираат од скопскиот и охридскиот аеродром. Кога дојдов на позицијата министер увидов дека бројот на патници се намалуваше, а аеродормите во регионот ја зголемуваа конкуренцијата. Морам да кажам дека по карактер имам натрпреварувачки дух и тоа беше голем мотив да ги сменам работите и еве сега работите се менуваат. Ќе имаме нови дестаинации и нека повелат колегите од Бугарија, Албанија, Србија да се натпреваруваме, мислам дека јас ќе донесам најмногу авиолинии – истакна Николоски.