Шерон Стоун ќе глуми во српски филм: Режисерот Предраг Антонијевиќ открива дека преговорите се во тек
Прославениот српски режисер Предраг Гага Антонијевиќ ја воодушеви јавноста од регионот откако ја сподели информацијата дека преговара холивудската ѕвезда Шерон Стоун да биде дел од неговиот нов филм.
„Кристијан Бејл ќе глуми во мојот филм „Јаничар“. Сè уште сме во преговори со Шерон Стоун, но верувам дека и таа ќе игра во филмот“, рече Гага во емисијата „Кец на единаесет“, пренесува „Blic“.
Српскиот режисер меѓу другото ја коментираше и серијата на која работи во моментов.
„Серијата „Пејачка“ е многу интересна и сосема различна од се што публиката досега видела“, истакна тој.
ГАЛЕРИЈА: Погледнете како изгледале постерите против Евреите во нацистичка Хрватска
Познатиот режисер неодамна се осврна на филмот „Дара од Јасеновац“, кој ги трогна луѓето низ целиот регион, откривајќи детали за серијата базирана на истоимениот филм.
„Во серијата, ќе гледаме поголем дел од филмот, сцени кои не влегоа во финалната верзија, но ќе се снимаат и дополнителни сцени“, неодамна изјави Предраг Гага Антонијевиќ во „Ново утро“.
„Првата епизода започнува кога фашизмот повторно се манифестира во Хрватска, поточно денот и ноќта кога, по 50 години, Дара доаѓа да го види Буда кој мисли дека е Хрват и чиј син мисли дека е Хрват и оди да пали Српски куќи и продавници“, додаде тој.