Шер со нови детали за претстојниот биографски филм: Пејачката најави и соработка со „Saweetie“
Познатата музичка икона Шер е сè уште активна во оваа нова фаза на нејзиното творештво. Таа почнала да работи на мемоар и развој на биографски филм кој ќе прикажува како Шер станала Шер. Воедно, таа спрема музичка колаборација со женскиот рапер „Saweetie“.
Минатиот месец, еден ден пред нејзиниот 75-ти роденден Шер објавила дека филмот од студиото „Universal Pictures“ ќе биде продуциран од Џуди Крејмер и Гери Гецман, кои се продуценти и на филмот „Мама Миа“, а Ерик Рот ќе го пишува сценариото. „Ги познавам луѓето, затоа сум сигурна дека ќе ги слушаат работите што имам да ги кажам. Но, тоа не значи дека ќе го имам последниот збор“, вели таа.
Кастингот сè уште не бил започнат, но Шер верувала дека некој новодојденец треба да ја игра на големото платно. „Вчера зборувавме за тоа и се обидуваме да размислуваме за актери. Реков: Мислам дека сè уште не ја познаваме“.
View this post on Instagram
Што се однесува до сопствената глума, Шер вели дека не е сигурна кога ќе се врати на таа активност. Всушност, прво ја одбила понудата да биде во продолжението на „Мама Миа“. Но, тогаш ѝ се јавил нејзиниот поранешен менаџер Рон Мејер.
Ѝ рекол „Ќе бидеш во „Мама Миа 2“ и ѝ ја спуштил слушалката, се сеќава таа. „Помислив: Добро, ќе бидам. А не дозволувам никој да ми зборува така. Се свртев и реков: Момци, мислам дека ќе глумам баба во – Мама Миа“, пренесува „Variety“. Шер вели дека била „исплашена“ пред да започне снимањето „Јас не сум од оние со голема самодоверба“, вели ѕвездата.
View this post on Instagram
На почетокот на овој месец, Шер се пошегувала на „Твитер“ дека можеби работи на нова музика со женскиот рапер „Saweetie“. „Таа е слатка девојка“, вели Шер, одбивајќи да открие детали за нивната соработка. „Не знам како е со сите други, но јас и таа многу добро си поминавме заедно. И тоа што го направивме ќе биде големо“.
Just Got Home From
LONG ASS DAY AT WORK. It Was So Cool,Girls Are Going 2 LOSE IT‼️Lotsa ppl May Like IT.I WAS DANCING AROUND 2 RIVER DEEP MOUNTAIN HIGH.SAWEETIE GAVE ME
THE COOLEST GLOVES,
I PUT THEM ON & DANCED AROUND THE RV.WE TOOK PICS OF OUR NAILS,
HERS WERE WAY COOLER— Cher (@cher) June 5, 2021
Се подготвува филм за животот и кариерата на легендарната Шер