Шекеринска за условите на Бугарија: Со соседите мора да се најде решение
Министерката за одбрана, Радмила Шекеринска, за условувањата на Бугарија кон Македонија, изјави дека со соседите се бара решение, а не игра на уцени, притисоци и кавги. Според министерката, Владата покажавала капацитет, трпение и мудрост на одредени прашања за да се најде решение.
– Покажавме мудрост на одредени прашања да најдеме решение. Важно ни е што сите наши соседи не поддржуваат. Сакаме да седнеме на масата на НАТО, за таму да учествуваме кога ќе се решава и за другите – изјави Шекеринска.
– Важно ни е што денеска можеме да кажеме дека сите наши соседи цврсто не поддржаа да станеме членка на НАТО и на ЕУ. Тоа не беше лесно и тоа не беше стандард во сите изминати години. На тој начин зрееме и ние како држава, мислам дека зрее по малку и регионот. Така ќе ги решаваме и идните предизвици. Меѓудржавните односи особено помеѓу соседи се секогаш, како викаат, воркинг прогрес, постојано има прашања кои ќе се изнесат на маса и дилемата е само дали ќе се трудите да ги решите или ќе се оддалечите повеќе, изјави денеска Шекеринска.