Шекеринска за ситуацијата со Бугарија: Ова не е начин на функционирање на членки на НАТО
Министерката за одбрана, Радмила Шекеринска за спорот со Бугарија и изјавите на министерот за одбрана, Красимир Каракачанов изјави дека ова не е начинот на функционирање на членки на НАТО.
– Бугарија е членка на НАТО и ние сме и ова не е начин на функционирање на членки на Алијансата, изјави Шекеринска.
Министерката потенцираше дека ќе продолжи да ги испраќа истите пораки што се испраќани изминатите години, а тоа, како што подвлече, дека „нашите граѓани не плаќаат и очекуваат да им обезбедиме безбедност, а таа безбедност зависи од добрососедските односи”.
– Очекуваме Бугарија повторно да не поддржи, како што не поддржа во независноста и членството во ЕУ. Само со добрососедски односи можеме да напредуваме. Комуникацијата меѓу сојузниците не треба да застане – изјави Шекеринска.