17 C
Скопје

Шекеринска во Минхен на неформални средби со министри за одбрана

Министерката имала можност да се сретне и поразговара со колегите министри, со секретарот за одбрана на САД Марк Еспер, како и со германската министерка за одбрана и француската министерка Флоренс Парли.

Во рамки на 53-тата Минхенска безбедносна конференција, министерката за одбрана Радмила Шекеринска присуствуваше на неформалната средба на министрите за одбрана организирана од германската министерка за одбрана Анегрет Крамп- Каренбауер.

Од Министерството за одбрана соопштија дека Шекеринска имала можност да се сретне и поразговара со колегите министри, со секретарот за одбрана на САД Марк Еспер, како и со германската министерка за одбрана и француската министерка Флоренс Парли. Тема на разговоритe биле приоритетите на одбраната и натамошната соработка, а министрите и упатиле честитки на Шекеринска за членството во НАТО и изразиле подготвеност за интензивирање на натамошната соработка.

На маргините на конференцијата, Шекеринска имала одвоени средби со премиерот Албин Курти и шефот на дипломатијата на Косово Глаук Конјуфча, со парламентарниот потсекретар за безбедносна и одбранбена политика во германското Министерство за одбрана Петер Таубер, како и со генералот Куртис Скапароти – поранешен командант на американските сили и на Здружената команда на НАТО за Европа, сега во својство на претставник на меѓународната група Кохен која дава врвни експеризи од областа на одбраната и безбедноста.

Прочитајте и...  Вики Димчевска, агент за недвижности, револтирано: Самопрогласени агенти го уриваат угледот и долгогодишното работење на вистинските и професионални агенции

– На средбите стана збор за новиот статус на Северна Македонија како НАТО членка и постигнатиот прогрес и меѓусебната соработка во одбраната, соопштија од Министерството.

Во рамки на конференцијата, Шекеринска учествувала и на тркалезната маса под наслов „Нарушување на перцепциите со цел подобро лидерство”, чија тема била улогата на жените во политиката.

–  Прогресот во родовата еднаквост не треба да се земе здраво за готово, туку е потребна континуирана посветеност. Жените во политиката често се изложени на вербално па дури и физичко насилство кои се закана за родовата еднаквост. Кога првпат влегов во Парламентот, бев само една од седумте жени. Ја видов пристрасноста зашто сум жена, зашто бев млада и зашто зборував отворено. Сега имаме Парламент со околу 40 проценти жени и да не беше системот на квоти кои го воведовме во 2002, ова немаше никогаш да биде реалност, истакнала Шекеринска.

Прочитајте и...  Направен исчекор во обидите за одблокирање на Собранието

Поврзани вести

Алсат-М: Рашковски ќе гради хациенда од 800 квадрати во Побожје, а како инвеститори се заведени неговите деца

Слободен печат

Историски самит: Бајден и Путин сепак може да одржат состанок во трета држава

Слободен печат

Антикризните закони утре во Собранието на „брза ленда“

Весна Тодоровска

Вакцината „Спутник В“ наскоро ќе се произведува во Србија, Иран и Италија

Слободен печат

Франција ги прекина сите летови со Бразил

Слободен печат

„Џонсон и Џонсон“ ја одложува испораката на вакцини во Европа, откако се појавија неколку случаи на згрутчување на крвта

Слободен печат

Остави Коментар