На денешниот брифинг со новинарите, министерката за одбрана Радмила Шекеринска, рече дека законот за одбрана, кој е усвоен на владина седница а се носи со двотретинско мнозинство, ќе биде изгласан во собранието.

Шекеринска вели дека актуелниот закон застарен и се работи по стара методологија.

– Ние сме во завршница во НАТО процес, со или без Шпанија. НАТО повеќе се интересира за законот за одбрана – вели Шекеринска.

Министерката рече дека земјите членки на НАТО при евентуален напад на една држава веднаш да го активираат системот за самоодбрана. Таков систем, вели, и треба и на нашата држава.

– Систем во кој тоа правило ќе функционира. Како, во случај Македонија да се одбрани и како Македонија да се вклучи во помош – рече Шекеринска.

Македонија ќе учествува и на операции на НАТО на Обединетите нации. За учеството на операциите за НАТО, ќе одлучува Владата, со обврска еднаш во годината да го информира Собранието.

– За да се обезбеди брза операција, се носи законот за одбрана – вели Шекеринска.

Клучно е државата да биде безбедна. Шекеринска вели дека при учеството во мисиите учествуваат припадници на армијата и министерството за одбрана. Предвидено е и цивили да учествуваат во мисиите.