Шекеринска: Најавивме реконструкција и таа ќе се случи
Во вечерашното гостување во емисијата Топ Тема, заменик претседателката Радмила Шекеринска зборуваше за најавена реконструкција во Владата.
– Низ процесот на промени, како партија докажавме дека сме свесни за одговорноста дадена од граѓаните и затоа кадровските промени во СДСМ не треба да се гледаат како замена за кадровските промени на државните позиции – истакна Радмила Шекеринска.
– Ветивме промени и во партијата и на државните позиции, но водевме сметка за државните интереси и периодот во кој се наоѓавме а беше тесно поврзан со евроинтегратицните процеси. Не сакаме заради домашна политика да загрозиме некој од државните интереси. Најавивме реконструкција и таа ќе се случи. Очекувам дека до петок, предлогот за реконструкција да биде доставен во Собарнието – порача Шекеринска.
Осврнувајќи се на внатрепартиските промени, Шекеринска истакна дека освен персонални решенија, следуваат и системски промени на делување во интерес на граѓаните.