Шекеринска: Изјавата на Меркел е потврда дека сме на прав пат и можеме

Оваа година ја направивме навистина да биде историска. Станавме членка на НАТО, после 30 години зборување ние кажавме зборот е збор и ние веќе сме НАТО. Зборот е збор и ние годинава го добивме почетокот на преговори со ЕУ, рече потпретседателката на СДСМ Радмила Шекеринска вечерва на трибина во Ростуше осврнувајќи се на денешната изјава на канцеларката Ангела Меркел за отворањето на првите поглавја помеѓу нашата земја и ЕУ.

-Каде е сега ВМРО ДПМНЕ барем со кисела насмевка да удри барем еден аплауз? Го пропуштија оној за НАТО еве нека се развеселат барем за добрата вест за ЕУ. Ама како вели нашиот народ, дозволи им на ушите да го чујат тоа што сакаат е очигледно ова е тоа што ВМРО – ДПМНЕ не сака да го чуе бидејќи не посакуваат добри вести за државата туку посакуваат само себични вести за себе и својот тесен круг на луѓе, рече Шекеринска.

Таа се осврна и на вредностите на политиката на добрососедстви и решавање на домашните проблеми.

-Денес се покажува дека нашата политика на добрососедство, на решавање на проблемите дома, на соживот и едно општество за сите не прави сите заедно посилни. Направивме темел на оваа држава без кој не е возможна нејзината стабилност, порача Шекеринска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот