Шчесни го продолжи договорот со Јувентус (ФОТО)
Оваа сезона полскиот чувар на мрежата досега има 16 настапи во Серија А и на шест натпревари не дозволи да биде затресена неговата мрежа.
Италијанскиот шампион објави дека Војциех Шчесни го продолжи договорот кој ќе трае до јуни 2024 година.
Полскиот голман во Јувентус дојде во 2017 година од редовите на Арсенал, во меѓувреме беше на позајмица во Рома, а сега прва опција на „Старата дама“ пред клупската легенда Џанлуиџи Буфон.
– Прекрасната авантура меѓу Шчесни и Јувентус ќе продолжи до 2024 и нема сомнение дека ова е заслужено продолжување на соработката – се вели во клупскиот сајт на Јуве.
OFFICIAL | ✍ @13Szczesny13 remains Bianconero until 2024! ?
➡ https://t.co/45JPeDRxCA pic.twitter.com/bCZoQfhvkp
— JuventusFC (@juventusfcen) February 11, 2020
Оваа сезона чуварот на мрежата досега има 16 настапи во Серија А и на шест натпревари не дозволи да биде затресена неговата мрежа.
Моментно со клубот се подготвува за првиот меч од полуфиналето во Купот на Италија против екипата на Милан в четврток.
На овој дуел најверојатно шанса ќе добие Буфон, а Шчесни ќе ги чува силите зa Серија А и Лигата на шампионите.