Шарлиз Терон сака да глуми во лезбејска верзија на „Die Hard“: Каде да потпишам?
Јужноафриканската актерка Шарлиз Терон одговори на предлогот на еден нејзин следбеник на „Твитер“ за нов филм и на изненадување на обожавателите, нејзе ѝ се допадна идејата.
„Лезбејските божиќни филмови се добри, но она што навистина сакам да го видам е верзијата „Die Hard“ во која Шарлиз Терон ќе дивее за да ја спаси својата жена“, напиша еден нејзин обожавател на „Твитер“ минатата година, кој сигурно не очекувал дека на актерката ќе ѝ се допадне неговиот предлог.
„Каде да потпишам?“, му одговори Терон.
Where do I sign https://t.co/nO47Bj28CN
— Charlize Theron (@CharlizeAfrica) December 8, 2020
Неодамна актерката во интервју за „Vanity Fair“ потврди дека тоа било одлична идеја и рече дека е подготвена да прифати таква улога и дека едноставно ѝ недостига студио кое би било подготвено да го сними тој филм.
„Да, би, затоа и веднаш одговорив на „Твитер“, бидејќи едноставно тогаш мислев, а и сега мислам дека тоа е одлично. Си помислив: „Оваа личност треба да почне да предлага работи“. Тоа е одлична идеја. А фактот дека би биле две жени, веднаш помислив: „Да, пријавете ме за тоа“, изјави Терон.
Во акционите хитови како „The Old Guard“, „Atomic Blonde“ и „Mad Max: Fury Road“, Терон покажа исклучителен талент во бројни жестоки сцени. Затоа никој и не би се посомневал дека би се снашла добро во женската верзија на култниот Џон Меклејн, но засега нема конкретни договори за сличен филм.