Шарл Мишел по средбата со премиерот Заев не сакаше да одреди датум за отворање на преговорите меѓу земјава и ЕУ

Претседателот на Европскиот Совет, по средбата со премиерот Заев, не сакаше да одреди датум за отворање на преговорите меѓу земјава и ЕУ. Тој беше воздржан дури и за решавање на билатералниот спор меѓу Скопје и Софија и избегна да употребува оптимистичка реторика за брз почеток на преговорите за членство на земјава во ЕУ, објавува Алсат М од свои извори.

„Го пречекав Зоран Заев и го информирав дека ЕУ стои цврсто зад Северна Македонија во борбата против Ковид 19. Остануваме подеднакво посветени на европската перспектива на Северна Македонија и се согласивме за важноста на инвестициите финансирани од ЕУ за да се започне со опоравување“, изјави тој.

Од своја страна премиерот Заев изрази уверување дека првиот човек на советот Мишел има разбирање и волја за некакво поместување во однос на Македонија на претстојниот јунски совет на ЕУ за кога изрази надеж дека очекува да биде свикана првата меѓувладина конференција, доколку се надмине блокадата од официјална Софија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот