Ако сте љубител на јајцата, а ви здодеале класичната кајгана или класичното пржење „на око“, направете омлет мафини, во кои можете да додадете што сакате.

Едноставно се подготвуваат, а сите ќе ги обожаваат – и возрасните и децата.

Состојки:

4 јајца
100 мл млеко
две лажици брашно
зеленчук по желба: пиперки, кромид, тиквички, моркови, домати
малку масло
сол, бибер
Ако сакате, можете да додадете и сирење, кашкавал, шунка, сланина.

Подготовка:

Во подлабок сад изматете со миксер јајца, брашно, млеко и сол.
Исечкајте го зеленчукот по желби колку што можете поситно и пропржете го на малку масло неколку минути, а сувомесните намирници и сирење исечете ги на коцки.
Подмачкајте го калапот за мафини и во секој ставете ја смесата што сте ја подготвиле, вклучувајќи го и пржениот зеленчук.
Потоа, секој калап прелијте го со смесата со јајцата и одозгора изрендајте кашкавал.
Мафините ставете ги во претходно загреана рерна на 200 степени да се печат околу 15 минути.