Шарапова: Се повлеков во вистинскиот момент
Руската тенисерка изјави дека смета оти февруари оваа година беше вистинскиот момент да објави крај на професионалната кариера.
Марија Шарапова која со само 17 години триумфира на Вимблдон по многуте проблеми со повредите во последните неколку години, во февруари одлучи да стави крај на кариерата.
Таа во разговор за „Вол Стрит журнал“ објасни зашто се одлучи на ваков чекор.
– Мислам дека моментот за заминување во пензија беше идеален бидејќи често се прашував зашто тренирам? Од моја перспектива убаво е да има тој момент кога можете да погледнете по дружењето со рекетот и топчето цели 28 години, што тоа значи за мојата иднина. Тогаш сфатив дека нема потреба повеќе да го измачувам моето тело, туку време е да се насочам кон следните предизвици во животот кои ќе бидат надвор од терените – вели Шарапова.
Таа засега не знае што ќе биде следното поглавје во нејзината кариера, односно дали ќе остане во тенисот или ќе се насочи кон бизнисот.
– Кога размислувам за минатото и колку време ми беше потребно за да станам шампионка… Мислам дека 10 години тренирав пред да дојдам на турнирите. Што и да изберам следно ќе ми биде потребно време, засега слободното време го користам за да направам нови планови – потенцира Шарапова.