Шарапова ќе го пропушти Ролан Гарос
Марија Шарапова го откажа настапот на Грен слем турнирот „Ролан Гарос“ поради проблеми со рамото.
Нема официјален настап од јануари, а на Инстаграм најави дека нема да учествува на францускиот турнир кој започнува на 26 мај.
– Го откажав настапот на Ролан Гарос, понекогаш вистинските одлуки не се секогаш најлесните. Позитивната вест е што им се вратив на тренинг-тестовите и полека ја изградив силата назад на моето рамо. Навистина ми недостига Париз, до следната година – рече Шарапова.
Шарапова, петкратен грен-слем победник, стигна до четвртфиналето минатата година. Таа го освои турнирот во 2012 и 2014 година.
Русинката загуби од од Ешли Барти во четвртото коло на Австралија опен во јануари и се наоѓа на 35 место на ВТА ранг-листата.