Шаповалов го обвини судијата на мечот со Надал дека е корумпиран
Четвртфиналната пресметка на Австралија Опен помеѓу Рафаел Надал и Денис Шаповалов заврши со триумф на Шпанецот со 3:2 во сетови (6:3,6:4,4:6,3:6,6:3), а мечот го одбележаа неколку скандали бидејќи двајцата тенисери имаа жолчна расправија на мрежа по која коментарот, поранешниот гран слем шампион Џим Куриер мислеше дека може да дојде и до физичка пресметка.
Куриер во тие моменти го праша својот колега, исто така поранешен тенисер Лејтон Хјуит кога тој сакал да се тепа на терен. Причина беше нервозата на Надал кој изгледа дека не беше доволно подготвен за пеколните горештини во Мелбурн, како и за агресивната игра на Шаповалов.
“You guys are all corrupt,” Denis Shapovalov says to umpire Carlos Bernardes after complaining that Nadal should’ve gotten a time violation.#AusOpen
— Ben Rothenberg (@BenRothenberg) January 25, 2022
Канаѓанецот во еден момент побара од судијата Карлос Бернандез да го казни Надал со одземање на поен бидејќи одолговлекува со подготовката пред сеервисот токму на Шаповалов.
– Поминаа 25 секунди одамна и тој понатаму не е подготвен да игра. Одбојувањето го започнавте одамна, а тој не е подготвен. Мора да му дадеш опомена – му рече Шаповалов на главниот судија Бернандез.
Судијата не ја прифати сугестијата по што Шаповалов збесна.
– Сите вие сте корумпирани – одговори Канаѓанецот.
🗣️ “You guys are all corrupt!”
Denis Shapovalov has unloaded on the chair umpire in a stunning outburst on Rod Laver arena. 😳🤯#AusOpen – Live on Channel 9 and 9Now pic.twitter.com/BUdTxut1Fc
— Wide World of Sports (@wwos) January 25, 2022
По мечот, Шаповалов изјави дека Надал е привилигеран и затоа не беше казнет иако беше евидентно дека одолговлекуваше пред сервисите.
– Претерав кога реков дека судијата е корумпиран, тоа беше многу емотивно во тие моменти. Мислам дека не е фер Надал да се извлекува со вакви работи. Бев подготвен, часовникот отчукуваше и се наближуваше до нула, а јас го гледам судијата и нормални дека ќе кажам нешто. Бев подготвен да играм, а судијата не сака да му даде опомена бидејќијас не сум бил подготвен?! За мене тоа е шега. Почитувам се што направи Рафа, тој е неверојатен играч, но мора да постојат граници – изјави Шаповалов.