Коронавирусот го запре фудбалот во Англија и Ливерпул никако да дочека да дојде до титулата која ја „сонува“ веќе 30 години.

Премиер лигата првично беше одложена до почетокот на мај, а денеска екипите кои се дел од најатрактивната национална лига во светот, денеска одлучија повторно да го одложат финишот на сезоната.

Најважниот заклучок на денешниот состанок е дека приоритет во овие моменти е здравјето на целата нација и на секој поединец, вклучувајќи ги и играчите, тренерите, менаџерите и навивачите.

Договорено е сезоната да не продолжи во мај како што беше првично планирано и тоа ќе се случи кога ќе бидат исполнети условите.

„Секое враќање на фудбалот е можно само со целосна поддршка од Владата и кога медицинските експерти ќе дадат дозвола за продолжување на сезоната“, стои во соопштението.

Екипите од Премиер лигата едногласно се договорија да сзе започнат преговори со унијата на фудбалери за начинот на кој тие би помогнале во овие моменти, а предложено е платите на играчите да се намалат за 30 проценти.

The Premier League’s overriding priority is to aid the health and wellbeing of the nation and our communities. The 2019/20 season will only return when it is safe and appropriate to do so.

Full statement: https://t.co/Tv9Leq4GGp#WeAreOneTeam pic.twitter.com/XPLQ7ls422

— Premier League (@premierleague) April 3, 2020

„Сите екипи се согласија да ги консултираат играчите за намалување на платите до 30 проценти од годишните примања“, се наведува во соопштението во кое стои дека ова е само препорака.

За утре е закажан состанок на челниците на Премиер лигата, клубовите и унијата на фудбалерите.

Исто така се разговараше и како премиерлигашите да им помогнат на екипите од пониските лиги и е одлучено да се одвојат 125 милиони фунти за таа цел.

Премиерлигашите освен што ги отстапуваат стадионите за медицинските институции, тие ќе донираат и 20 милиони фунти на болниците во Англија.